Nan kad vizit Prezidan Kolonbyen an, SEM Gustavo Petro, ki fikse pou mèkredi 22 janvye 2025 lan, nan vil Jakmèl, Polis Nasyonal la (PNH) ranfòse mezi sekirite li nan depatman Sidès la, nan lide pou asire bon dewoulman vizit la.
Plizyè ajan ki soti nan diferan inite espesyalize PNH la deplwaye Jakmèl, pou rejwenn lòt polisye ki te deja nan vil la.
Anplis de sa, yon ekip Kowòdinasyon Laprès ak Relasyon Piblik (Allô La Police) deja sou plas pou kouvri evènman istorik sa a.
Kowòdinasyon PNH ak Relasyon Piblik la envite piblik la pou swiv an tan reyèl pwogrè aktivite yo atravè diferan platfòm Enstitisyon Lapolis la.
