Asosyasyon an mande otorite konpetan yo pou yo aji san pèdi tan pou jwenn jounalis yo anba grif kriminèl yo epi mennen yon ankèt serye pou rann jistis. Li klè ke lè y ap atake jounalis, se prensip transparans ak verite y ap eseye kraze nan sosyete a, sa ki rann egzèsis metye a vin pi danjere chak jou nan yon kontèks kote ensekirite a pa sispann vale tèren.
Asosyasyon an eksprime solidarite li ak fanmi viktim yo ak tout kominote laprès la ki anba gwo presyon. Li pwofite okazyon sa a pou li lanse yon apèl bay tout sektè nan lavi nasyonal la pou yon mobilizasyon jeneral pou pwoteje libète laprès an Ayiti. Sekirite jounalis yo dwe yon priyorite pou leta, paske yo peyi a ap kontinye plonje nan fènwa. Leta dwe pran responsablite l pou garanti sekirite pwofesyonèl enfòmasyon yo pou bon jan demokrasi.
