INDDESC mande pou retire prese prese Magalie George nan konsèy Elektoral Pwovizwa a

Enstiti Nasyonal pou Defans Dwa Ekonomik, Sosyal ak Kiltirèl (INDDESC) eksprime gwo enkyetid li fas ak deriv enstitisyonèl ki parèt nan fason yo fòme Konsèy Elektoral Pwovizwa (KEP) a. Òganizasyon an kwè sitiyasyon sa a kapab mete an danje kredibilite ak lejitimite pwosesis elektoral ki anonse nan peyi Dayiti.

Nan mitan konfli a, gen desizyon Konsèy Prezidansyèl Tranzisyon an ki retire Me Gédéon Jean, ki te chwazi nan yon fason demokratik pa sektè dwa moun yo pou reprezante yo nan KEP a. Daprè INDDESC, desizyon sa a leve gwo kesyon sou respè prensip reprezantatif ak endepandans enstitisyon yo.

Sektè dwa moun yo, ki depi lontan angaje nan defann libète piblik ak demokrasi ann Ayiti, te chwazi Me Gédéon Jean atravè yon pwosesis ki te klè ak transparan. Men, mete Madanm Magalie Georges nan plas li parèt, selon òganizasyon an, kòm yon vyolasyon prensip reprezantatif sektoryèl epi li kont Akò 3 avril 2024 la.

Daprè INDDESC, sitiyasyon sa a kreye yon move egzanp ki kapab febli kredibilite KEP a. Nan yon kontèks kote gen gwo kriz nan gouvènans ak yon mank konfyans jeneral nan enstitisyon piblik yo, yon desizyon konsa kapab ogmante dout popilasyon an sou eleksyon k ap vini yo.

Fas ak sitiyasyon sa a, òganizasyon an lanse yon apèl bay Premye Minis la, Alix Didier Fils-Aimé, pou li pran mezi ki nesesè pou pwoteje entegrite pwosesis elek...